將軍: 正! 買平貨

這幾天恆指真係醜樣, 連跌六天,成個鍾無艷咁, 但大家可知她終會比夏迎春好?!

雖然大市不好, 外圍亦不太好, 但筆者卻很開心,認為是趁低收集既好機會, 正如之前日本核洩漏時我叫大家唔駛驚, 反而要趁低分段買貨一樣, 之前如果你錯過了, 現在機會又來了, 唔好驚! 鍾無艷其實係好人, 好野來的!

筆者真是覺得好笑, 一個拉登, 在生時人心惶惶, 死了都要作下惡. 我在今日和客人討論時說, 大家可以想一想, 一個拉登死了, 恐怖份子就沒有了? 不會作惡? 大家不用用石油? 不要黃金? 不投資股票? 不會吧? 那麼這些資產價格為甚麼要下跌呢? 很簡單, 投機, 獲利, 弄低, 再起! 大戶和大鱷就是要利用消息, 利用大家既恐慌, 利用大家既看法, 而且正如我之前所講牛證/CALL偏多, 大戶正好玩相反, 殺向下. 明明大家預計左中國會加息, 存款準備金率, 美國QE繼續, 經濟復甦當中, 但邊個話股市和經濟一定同時走的? 有時差家! 另外, 牛三亦有時, 正如大家食飯, 起身,訓覺, 太陽升起和落山一樣, 有一定時間規律的, 而且要一些催化劑. 例如大家工作或運動消耗了能量, 胃內胃酸增多刺激神經線, 你就覺肚餓, 耍食飯; 太陽都是按宇宙引力運行, 若然未到, 時機未到.

就算當無牛市三期, 好公司好股票遲早都會反映在股價升幅上, 只是有時差罷了, 從來無失效過, 正如最近股市雖反覆, 但好公司/賺錢既公司如東岳(189) , 旭光(67), 中國聯塑(2128) , 周生生(116) 和中金再生(773) 都很強, 算是很抗跌, 有時/有些更逆市上升呢! 誰在買貨, 誰惜貨如金? 強者也! 他們不是傻瓜亂咁買, 而是擇善固執. 記住有成交, 就是有人賣, 亦是有人買,否則不會有成交成立. 另外, 大戶要造市要嚇你好簡單, 沽出既量大過買入就會跌, 相反亦然. 而且而家有咁多衍生工具, 容咩易呀!

保持平常心, 唔好驚, 冷靜決定買賣或者持有, 要堅定自己既信念, 除非發現真是錯了, 當仁不讓!

常勝倉

本倉部分股份跟隨大市下跌, 但本倉仍有約7.66%回報. 本倉今日趁低買了10,000股中國聯塑(2128) , 明天亦會候低買以上提到既好股或者能源/農產品基金, 不過大市仍反覆, 大家要量力而為, 分段吸納.

股份	股數	平均價	市價	市值	佔組合百份比	回報率
中遠太平洋(1199)	4,000	$14.40	$15.56	$62,240	11.56%	8.06%
中交建(1800)	10,000	$7.45	$6.76	$67,600	12.56%	-9.26%
中國綠色食品(904)	6,000	$6.00	$6.55	$39,300	7.30%	9.17%
中通服(552)	10,000	$4.60	$4.89	$48,900	9.08%	6.30%
鉑陽太陽能(566)	30,000	$0.56	$0.55	$16,500	3.07%	-1.79%
永保林業(723)	30,000	$0.465	$0.57	$17,100	3.18%	22.58%
合景泰富(1813)	2,000	$6.30	$5.34	$10,680	1.98%	-15.24%
中金再生(773)	3,600	$10.30	$10.58	$38,088	7.08%	2.72%
勝獅貨櫃(716)	10,000	$3.55	$3.50	$35,000	6.50%	-1.41%
紫金礦業(2899)	8,000	$6.20	$5.85	$46,800	8.69%	-5.65%
中國聯塑(2128)	10,000	$7.26	$7.30	$73,000	13.56%	0.55%
			總市值	$455,208.00
			組合現金	$83,090.00
			組合總值	$538,298.00
			回報	$38,298.00
			組合回報率	7.66%
		成立日期2011年3月28日

最後, 如果大家無時間和信心買賣或怕Trouble, 可以簡單分段買一些中國香港, 能源和商品基金.

注意: 我會定期更新/檢討以上組合, 另以上純為個人意見, 並不構成直接買賣建議.

此外, 本人一 直堅持要定下止損位, 即約為買入後下跌最多兩成(20%)一定要放手, 因為大市可能轉勢, 或者我們看錯了. "留得青山在, 那怕無機再常勝"


投資可以致富, 理財可以安身!


利益申報: 筆者持有 鉑陽太陽能(566) , 永保林業(723) , 中通服(552) , 紫金礦業(2899) , 合景泰富(1813) ,中金再生(773) , 周生生(116) , 勝獅貨櫃(716) , 中國聯塑(2128) .



將軍

(金融從業員, 證監會持牌人, CFP持證人,希望在網上和其他媒體能多寫一些關於投資和理財的專題, 請大家多多支持, 我亦會post更多股票評價, 投資理財意見讓大家一同探討)

將軍: 發展前景 較估值重要

前日和朋友去飲時, 討論我怎樣選股票, 亦有問我買股票定基金好? 首先, 筆者選股票最主要由上而下, 意即經濟環境, 政策方向, 市場情況如息口和貨幣政策, 行業發展/否持續性等, 最後才看估值如市盈率(P/E). 舉個例子, 如近一兩年的水泥行業, 珠寶金飾行業, 新能源, 零售業,科技和汽車行業等, 如果我們一開始先看估值, 很多這類公司在未宣佈業績前既市盈率或者市帳率(P/B)都偏高, 如騰訊控股(700) , 周生生(116) , 六福(590) , 保利協鑫(3800) , 華晨汽車(1114) 和中國建材(3323) 等倍升股, 相信會和大家無緣.

我好明白大家可能會說"不熟不買", 或者貴D唔買既心態, 但試問大家好喜歡既匯豐銀行(5), 中移動(941) , 中人壽(2628) 估值不高, 但又為你帶來甚麼呢?唔輸錢都偷笑啦!(幾年前除外) 大家可有想過有D野點解咁貴, 或者點解平呢? 樣樣事都是相對的, 好難說絕對. 你可能會話市場錯價! 但試想深一層, 世界和市場每天在變, 資訊傳播很快,真係有咁多錯價機會, 仲要錯咁耐? (除了現在既樓市錯和瘋狂外)

相反, 如果大家一開始先從估值出發, 反而會容易掉落"價值圈套"中, 以致滿手三四線垃圾股, 或者"過氣股王". 因此不可以隨便"賤取"就以為執到寶, 要先看清大環境, 以及該公司既可持續發展和增長性, 最後才看估值是否太過不合理地高, 若是就等回調機會, 否則就買, 不要經常想等最低價或者股災/天災出現, 巴菲特名言" It is far better to buy a good company at a fair price than a fair company at a good price", 形容得很貼切, 你現在買好公司貴了10%或者買平了10%, 對於倍升股或者10倍股根本無關痛癢. 筆者是很看好中金再生(773) , 中國聯塑(2128) 和周生生(116) 既持續發展能力和增長的.

另外, 買基金定股票好? 首先要看你想買那些類型資產投資, 股票類, 債券類, 商品類, 農產品定係另類投資? 記住基金唔直接等如股票? 可以是以上種類, 或者混合. 以股票基金為例, 如果你發現自己投資股票經常損失, 又不知從何入手, 又無時間打理和分析, EQ又低, 那麼你是絕對應該投資基金的. 再者, 就算你無虧損, 但每年回報極低, 如只得2-3%(扣除手續費), 理應檢討問題所在, 或者交給基金經理代勞. 有些人可能會話"WA, 基金收認購費, 管理費架, 唔好啦!" 但若果你年年自己買股票或者投資都虧損, 那為什麼不交給專業人士打理呢? 像你如果生病了而且不輕, 你會唔會唔睇醫生, 為左慳番D錢呢? 或者結婚唔請律師, 自己作見證和儀式呢? 不會吧? 那麼點解投資基金, 有人幫你打理, 賺錢, 你俾2%-3%一年佢地好過份咩? (但當然要小心選好基金啦, 你既理財顧問應該幫到你, 另多年來好多基金都做得相當出色, 有約10-15%回報一年, 雖然過去唔代表將來, 但我有信心可繼續做得好.

筆者繼續看好中國香港, 俄羅斯, 台灣, 韓國,商品能源和農產品基金, 逢調整吸納.

本人一 直堅持要定下止損位, 即約為買入後下跌最多兩成(20%)一定要放手, 因為大市可能轉勢, 或者我們看錯了. "留得青山在, 那怕無機再常勝"


投資可以致富, 理財可以安身!


利益申報: 筆者持有 中金再生(773) ,周生生(116) , 中國建材(3323)

將軍

(金融從業員, 證監會持牌人, CFP持證人,希望在網上和其他媒體能多寫一些關於投資和理財的專題, 請大家多多支持, 我亦會post更多股票評價, 投資理財意見讓大家一同探討)